నాకు నచ్చిన నా తెలుగు

నాకు నచ్చిన నా తెలుగు

తెలుగు నాకు ఒక భాష మాత్రమే కాదు… నా బాల్యం నుంచి నాలో నిక్షిప్తమైన ఒక కళ
అని ఈ మధ్యనే తెలిసింది.

మా మేనత్త తెలుగు పండితురాలు. తెలుగు ఆమెకు తన కాళ్ళ పై తాను నిలబడే
ధైర్యాన్ని ఇచ్చింది. ఆమె నోట వినిపించే పద్యాలు, కథలు కళ్ళకు కట్టినట్లు
ఉండేవి. మా అత్తయ్యగారు పదబంధాలతో ప్రశ్నలు వేస్తూ, మాటలతోనే నాలో భాషపై
మమకారాన్ని మరింత పెంపొందించారు.

చందమామ, బాలమిత్ర, వండర్ వరల్డ్, రామకృష్ణ ప్రభ, వివేకానంద స్ఫూర్తిదాయక
సూక్తులు నా ఊహలకు రెక్కలు తొడిగి, నా వ్యక్తిత్వాన్ని మలిచిన గురువులు.

మా ఊరు అమలాపురం... మండువా ఇళ్లు… కొబ్బరి, అరటి, మామిడి తోటలు… వాటి మధ్య
గలగల పారే కాలువ…చిటపటమనే చినుకుల మధ్య బావి లో నుండి నీళ్ళు తోడుతూ ఆలపించిన
పాటలు …

ఆ కాలువలో ఈత కొడుతూ స్కూలు నుంచి ఇంటికి వచ్చే మా నాన్న చేసిన అల్లరిని ఆయన
మాటల్లో ఊహించుకుంటే, ఇప్పటికీ నా మనసులో ఏదో తెలియని తన్మయత్వం. ఆ మాటలే
దృశ్యకావ్యాలై నా మదిలో మెదులుతుంటాయి.

సందుల్లో దాగిన కథలు… సందళ్లలో మిగిలిన జ్ఞాపకాలు… ఇవన్నీ నా తెలుగుతో
విడదీయలేని అనుబంధాలు.

తెలుగులో శబ్దానికీ ఒక రూపం ఉంటుంది. గలగల, గుసగుస, చిటపట, సరసర,
ఝల్లుమని—చదివితే అర్థమే కాదు, శబ్దం కూడా వినిపిస్తుంది.

అలాగే “అలక”ను కేవలం కోపం అనలేం; “ఊరట”ను కేవలం ఓదార్పు అనలేం. పదానికి
అనువాదం దొరికినా, దాని ఆత్మకు అనువాదం దొరకని సందర్భాలెన్నో!

ఆరుద్ర మాటల్లో ఆలోచన, శ్రీశ్రీ పదాల్లో చైతన్యం, జంధ్యాల సంభాషణల్లో
చమత్కారం—ఇవన్నీ నాకు తెలుగుపై మరింత మక్కువ పెంచాయి.

మాయాబజార్‌లో “ఎవరూ పుట్టించకుండా మాటలెలా పుడతాయి?” అన్న చమత్కారం,
“అసమదీయులు–తసమదీయులు” వంటి పదప్రయోగాలు మన తెలుగు మాట ఎంత మాయ చేయగలదో
చూపించాయి.

తెలుగును ఆస్వాదిస్తూ చదవడం నాకు చక్కని ఫిల్టర్ కాఫీని నెమ్మదిగా
ఆస్వాదించినంత ఆనందం.

అరకొర తెలుగు పట్టు తోనే కొన్ని కవితలు, వ్యాసాలు రాసి పది మందిలో నాకు
గుర్తింపు లభిస్తే… పూర్తి స్థాయిలో తెలుగు మీద పట్టు సాధిస్తే ఇంకెన్ని
అద్భుతమైన రచనలు చేయగలనో! అని అప్పుడప్పుడూ అనిపిస్తుంది.

నా తెలుగు తో కిరణమయమైన వేళ… లోకమంతా వెలుగు.

స్వీయ ప్రకటన: ఈ రచన పూర్తిగా నా స్వీయ రచన. ఇందులోని భావాలు, ఆలోచనలు,
అనుభూతులు, పదప్రయోగాలు నావే.

ఇట్లు

కిరణ్మయి.పేరి
Address

P.Kiranmayee,
Sri Venkateswara Nilayam,
H.No 1-5-458/1/3,
Road number 4a,
New Marutinagar West, Kothapet,
Hyderabad 500060,
Telangana.

Ph.no. 9700057336

Email id : Kiranmayee18@gmail.com

DOB: 18 డిసెంబర్ 1985