Submission of kavitha

శతక ప్రాభవం…….
శతకమా ఓ శతకమా
తెలుగు సాహిత్యంలో ప్రాచీనమైన,
మధురమైన ప్రక్రియవు నీవూ
తెలుగు సాహిత్యంలో ఒక గొప్ప హోదా నీది,
నూరు నుండి నూట ఎనిమిది పద్యాలు
దాచిన ఉంచిన నీగుడమా,
ఒకే అంశాన్ని ఆధారంగా చేసుకొని సాగిపోతావు
నీవు నావల,
నీలో ఉన్న ప్రతి పద్యం ఒక ఆణిముత్యం,
సాహిత్యం లో చెరిగిపోని జ్ఞానము నీవు,
తరిగిపోని సంపద నీవు,
పండితుల నుండి పామరుల వరకు నీ
వైపు తిప్పుకున్న ఓ సరాగమ,
భక్తి ఉద్యమ కాలంలో నీ సత్తా చూపించి,
చిన్న పిల్లలు సైతం అలవోకగా పాడుకునే కావ్య గీతమా,
జ్ఞానం, నీతి, భక్తి వంటి ఎన్నో సద్గుణాలు మాలో నింపి,
ఎంతో మందిని ఉత్తమ పౌరులుగా తీర్చిదిద్ది, సమాజ అభివృద్ధికి తోడ్పడిన్నావు,
నీ వల్లనే బాషానైపుణ్యం మరియు కంఠస్థ నైపుణ్యం అలవడుతుంది పిల్లలలో,
సంస్కృతి, సాంప్రదాయలు వచ్చే తరాలకు అందించేది నీవు,
ఎందరో కవులు నీలో ఉన్న మహిమను తెలియచేయటానికి పోటీ పడతారు,
అందులో భక్తి మార్గం కొందరిది అయితే, నీతి మార్గం మరికొందరిదీ,
మొట్టమొదటి శతక కర్త గా పేరొందిన మన పాలుకురికి సోమన,
మంచి అలవాట్లు, క్రమశిక్షణా అలవడేది నీ సుమతి శతకం వల్లే కదా
మూఢనమ్మకాలు తెలిపి, దురాచారాలు దూరం చేసి, జీవనవిధానం తెలిపింది మన వేమన శతకం.
నీతి, విద్య మానవులకు ఎంత ముఖ్యమో తెలిపి, మానవతా విలువలు నేర్పిన మన భాస్కర
శతకం.
సమాజం లోని మనిషి నడవడికను తెలిపే కుమార శతకం.
కంచర్ల గోపన్న లాంటి బ్రాహ్మనులు సైతం,
రాముడి పై తన నమ్మకాన్ని చాటిన దాశరధి శతకం.
నిజాలను నిక్కచ్చిగా చెప్పి “కల్ల కాదు రావికంటి మాట “అన్న మన నగ్న సత్యాలు
శతకం.
సాoకేతికత పెరిగిన కాలంలో కూడా నీ ఖ్యాతి తగ్గలేదు,
నీవు సాహిత్యానికే ఆభరణం,
సంస్కృతీకే ప్రతిబింబం,
ముక్తకంగా ఉన్న గొప్ప మౌక్తికం నీవు,
ఎన్నో జీవితాలకు మార్గదర్శకత్వం నీవు…..

ముత్యాల మాధవి
గ్రామం :రాఘవాపూర్,
మం :సిద్దిపేట,
జిల్లా :సిద్దిపేట. (TG),
7097101618.
హామీ పత్రం :”శతక ప్రాభవం “ఈ కవిత నా సొంత రచన.అనువాదం, అనుకరణ
కాదు,ఇంతకుముందు ఎక్కడ ప్రచురిచబడలేదు. అని హామీ ఇస్తున్నాను